Tras la demanda de dellos blogueros que ya habíen votao, dámonos cuenta que'l fechu de votar namás un blogue, dexa pol camín el votu de munchos blogues prestosos y el sistema de puntuaciones queda bastante probe. Asina que camudamos les bases de forma que se pueda votar 3 blogues con 5, 3 y 2 puntos respectivamente.
Ponemos los contaores a cero y vamos intentar mandar un corréu a tolos que ya votaron. Alcordaivos que teneis hasta'l 31 de xineru a medianueche pa votar!!
Saludos a tola xente de la blogosfera n'asturianu. Nesti últimu añu, la nuesa comunidá de blogues camudó en forma, aunque va tiempu que nun se entama una d'eses iniciatives que faen comuña. A la mio mente, llega agora, aquel primer meme, el directoriu logastur, el Sidra&blogues, el "I Alcuentru", la creación de páxines de sindicación de rss y poco más. Pa siguir tando en contautu y funcionando como una comunidá ocúrresenos, entamar la votación del meyor blogue n'asturianu.
Esta votación y los sos resultaos van vese nesti blogue con unes normes básiques:
1- Sólo van poder votar xente que tenga un blogue n'asturianu. Sólo un votu por persona y blogue. Si tienes dellos blogues sólo pues votar una vegada.
2- Hai que votar tres blogues con 5, 3 y 2 puntos respectivamente, pero nun se pue votar el propiu blogue.
3- El votu tien que mandase al corréu trayasgaya@hotmail.com indicando a quién se vota y cuál ye'l to blogue. Osea, el blogue votáu y de que blogue procede'l votu.
4- Los votos dirán espublizándose nesti blogue, pero los votantes serán anónimos.
5- La fecha fín pa votar, va ser el 31 de xineru de 2009 a les 24:00 hores.
Archivu | ¡Crea'l to Blog yá! Fácil y de baldre
Esbilla
del.icio.us
Esti ye'l sitiu onde la blogosfera n'asturianu va votar el meyor blogue de tol 2008.