ACABARON LES VOTACIONES
Llegó el fín del plazu de les votaciones y ya tenemos el primer ganador del primer concursu de blogues n'asturianu de la hestoria. Préstanos dar la norabona al blogue:
Con 50 puntos, y una diferencia de 12 puntos col segundu clasificáu, la blogosfera n'asturianu acaba d'esbillar al blogue de los hermanos González como el meyor blogue en llingua asturiana de 2008. Felicidaes!!!
El podium ta completáu por El Xanu'l Caborniu con 38 puntos y La verdá ye mentira con 37 puntos.
Norabona a los tres y gracies a tolos que votasteis. Nesti casu paeznos que tamién gana la nuesa blogosfera, demostrando dinamismu, actividá y xuntanza. Si tienes un blogue ya pues entamar a trabayar por él y si nun lu tienes, piensa que l'añu que vien, el to sitiu pue ser el que gane.
Un saludu a toos y toes y gracies.
Esbilla
del.icio.us
Esti ye'l sitiu onde la blogosfera n'asturianu va votar el meyor blogue de tol 2008.
Norabona a González y González. Y tamién a los dos que siguen, tamién bien prestosos.
Ricardo | 02-02-2009 - 11:59:00 GMT 1 #
¡Norabona a González y González pol permerecíu premiu! Presta ver amás que munchos de los otros blogues que más me gusten s'axunten nes primeres posiciones. Si dalgo espeya esta riestra de blogues ye que la calidá de la rede n'asturianu ye altísima. Norabona tamién a los que tuvieron la idea y la entamaron, estes iniciatives valen muncho pa reconocer, curiar y facer espoxigar l'internet n'ast :)
El que La verdá ye mentira pañara tantos votos de la xente bloguesferiego ye una sorpresa y un arguyu... Paezme qu'hai y hebo blogues con más méritos pa tar ehí: qu'un blogue cola forma y el fondu d'El xanu'l caborniu nos adelantare ye -dígolo d'acordies- un honor, y tar xunto al Trasgu, la Fueya, Escucando y tolos grandes clásicos -daivos por aludíos- danos casi hasta reparu... Sicasí, estimo y agradezo los votos como símbolu de que les entraes pasaes prestaron -feches queden- y, anque naide nun fai un blogue pa que-y dean nengún premiu, dannos enfotu a manta pa siguir :) ¡Munches gracies a tolos blogueros y blogueres pola xera fecho y pola xera por facer, y norabona otra vez!
VeritasEtSeveritas | 02-02-2009 - 19:59:30 GMT 1 #
Un blogue en llingua asturiana ensin enxertase nuna comuña de blogues nesta mesma llingua ye como una faya plantada nun ermu: acaba secando. Norabona a tolos qu'escoyéis la llingua asturiana como mediu d'espresión nos vuestros blogues. Gracies a vosotros esti xanu pue vivir feliz nel so caborniu y na so viesca. Un saludu y felicitación candiales pa González y González y La Verdá ye Mentira (¡gracies VeritasEtSeveritas poles tos pallabres qu'acaben de poneme colloráu como un pitu!). Y, p'acabar,
¡¡¡Puxa Asturies!!!
El xanu\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ | 02-02-2009 - 21:20:10 GMT 1 #
Entereme con retrasu. Saludos a la blogosfera asturiana. Norabona a los ganadores. Sois el futuru del País, enllenando la rede con pallabres y idees asturianes. Somos toos fíos d´esa patria que pa dalgunos nun esiste, y d´esa llingua que pa dellos tampocu ye real. ¿que nun ye real! ¡Alitamos, coimes! Tamos faciendo un pidal pal futuru. Gracies por esistir.
CXB | 05-02-2009 - 22:35:54 GMT 1 #